নুয়ো কবি সুনানু পূর্ণিমা চাঙমা আর নেই
২০ জুন ২০২০ খ্রিঃ চাঙমা সাহিত্য পত্রিকার এক্কো কবি সুনানু পূর্ণিমা চাঙমা সংসার মেয়্যা-দয়ে সারি বেন্যা মাধান থেঙ থালিল ভিলে খবর পা জিয়্যা।
এ পোইদ্যানে চাঙমা সাহিত্য বাহ্ সল্লাদার, কাচালং বালিকা উচ্চ বিদ্যালয় প্রধান শিক্ষক সুনানু ভদ্রসেন চাঙমা কোইয়ে ৩/৪ দিন আঘে সাইকেল শিঘদে ঝুরি পচ্যে। মাত্তর দরে ঘরত সে কধা ন’ কয়। পরে বেজত্তুন বেচ ন’ পারের তে খবর পান সাইকেলত্তুন ঝুরি পচ্যে। এচ্যে বেন্যা হাসপাতাল নিবার চলাত পূর্ণিমা চাঙমা থেঙথান্যা।
পূর্ণিমা চাঙমা এ বঝর কাচালং উচ্চ বিদ্যালয়ততুন এসএসসি পাশ গচ্ছে। ২০১৮ সালত চাঙমা সাহিত্য বাহ্’ কাচালং কলেজত চাঙমা লেঘা শিঘিলে তেয়্য চাঙমা লেঘা শিঘিনেই কবিদ্যা লেঘা আরগানি গচ্ছে। তার কবিদ্যাউন চাঙমা সাহিত্য পত্রিকাত ছাবা অয়।
চাঙমা সাহিত্য বাহ্’ তার এ অ-কালে থেঙথানানা পোইদ্যানে অমহদ’ আহ্’ভিল্যাচ আ তার সদগতি তবনা গরি দের।
©চাঙমা সাহিত্য পত্রিকা
Comments
Post a Comment